Euskadiko Fisioterapeuten Elkargo Ofiziala

2023 // 07 // 20 - EFEKO

IKONO PROIEKTUA

“Sinbolo baten garrantzia, lanbide baten balioa” lelopean, Fisioterapeuten Elkargoen Kontseilu Nagusiak iKono proiektua abiarazi du, osasun-arloko kolektibo profesional gisa dugun irudi korporatiboa proiektatzeko, indartzeko eta bateratzeko ekimen aitzindaria. Aspaldidanik farmazien bereizgarri den gurutze berdearen irudi ezagun eta zabalduaren antzera, fuksia koloreko ertza duen gurutze zuri batek herritarren aurrean fisioterapia-kontsultak eta -zerbitzuak identifikatzeko balioko du, eta balio bereizgarria eta bermearen eta segurtasunaren egiaztapena emango du erabiltzaileen aurrean.

Dagoeneko bat egin dezakezu gizartea kontzientziatzeko eta gure sektore profesionalaren balioa nabarmentzeko proiektu honekin, iKono proiektuan sartzeko eskaera aktibatuta.

Ekimenaren webgunearen bidez (https://ikono.consejo-fisioterapia.org/), gurutze arrosa jartzeko eta zentroaren ziurtagiria lortzeko izapideak egin ahal izango dituzu.

Makroproiektu honek hainbat helburu lortu nahi ditu: gure erabiltzaileei konfiantza handiagoa eskaintzea; fisioterapeuta lanbidearen ezinbesteko osasun-izaera nabarmentzea, beharrezko lanbide-bereizketa osasun arloko intrusismoaren aurka borrokatzeko elementu gisa; eta familia handi honetako kide izateagatik dugun harrotasuna aberastea eta kolektibo gisa haztea, gure aldarrikapenei aurre egiteko aukera emango digun irudi berdingabea eta ahots bateratua sustatuz. iKono proiektua mugarri bat izango da; inflexio-puntu bat gizartearen aurrean bere balorazioa sendotzeko eta bat egiteko borrokatzen den sektore baten garapenean, bere kolektibo profesionalak egunerokoan pairatzen dituen arazoei elkarrekin aurre egiteko.

Gure zentro eta zerbitzuetan gurutze fuksia bat jarrita iKono proiektuan sartzeak ekarriko duen ahalegin ekonomikoaz erabat jabetuta, Fisioterapeuten Elkargoen Kontseilu Nagusiak garapen bateratuko plan baten aldeko apustu sendoa egin du, arreta-programa bat eta hari lotutako zerbitzuak (akreditazioa, instalazioa, aholkularitza...) diseinatuz eta ezarriz, autonomia erkidegoetako elkargoekin lankidetzan, gizartearen aurrean irauteko eta sendotzeko asmoz sortu den ekimen honekin bat egingo duten zentro eta zerbitzuen integrazio masiboa errazteko.

Desio partekatu bat dugu: denbora gutxian, pazienteak, senideak eta herritarrak, oro har, erakusten dutenen profesionaltasunaren konfiantza sortzen dien bereizgarri bat ezagutzen eta harekin ohitzen hastea.

LAGUNTZA EKONOMIKOA

Ezohiko Batzar Nagusian, EFEKNtik, hura osatzen duten 17 elkargo profesionalek erabaki zuten 150 euroko laguntza bateratu bat ezartzea sartzeko proiektu bakoitzeko.

Laguntza hori eskatzeko, interesdun orok, EFEOko kide izanik eta eskatutako baldintzak betetzen baditu, Elkargora jo ahal izango du laguntza kudeatzeko, betiere instalazioaren ziurtagiria eta faktura eskuratzen baditu.

Edozein zalantza izanez gero edo informazio gehiago nahi izanez gero, Kontseilu Nagusiko batzorde koordinatzailearekin harremanetan jarri beharko duzue, honako webgune honetako esteka aktiboen bidez: https://ikono.consejo-fisioterapia.org/